Children Gospel Ministry kitihi Pathen in 1994 kum apatna chapangho lah-a Manipur, Burma, Nepal, Nagaland, Assam chuleh Mizoram gamho ah eina solun ahi. Hichun chapangho ngailutna eipeuvin khonunga achandiu mutheina(vision) eina peovin keiho jong taona toh thon ministry ading in lunggel kanei pan taove. Pathen phatsah najal in 9th May, 2004(Sunday) nilhah in hiche Ministry hi Pathen in chapangho lah ah eisolnao channa manchah ding in lhandoh ahitai ‘HALLELUIJAH”.
Ajeh chu Pakai Jesun jong leija alenlai chun chapangho chu tahsa leh lhagao-a akhanlhit diu ana khohsah jeha ana kouva phatthei aboh bang chun tunin jong atahsan eiho jong chapangho laha eimang chanom nalaijun ahi. Hijeh chun chapangho angailut jeh in phatthei anaboh in, akhohsah jeh chun akipal lhuhsah ding hojong anagihsal in (Matt. 18:6) Angailut jeh chun kelngoi toh atekah in akelngoi hodin ahinna apen kelngoi banga chintup ding leh vahkhang ding in thupeh ana neijin ahi (John 21:1-16) Hijehchun tunin jong chapang holaha a ministry hi ache jomsah nom nalai e (Matt. 18:14).
